زبون جديد
28/07/2019 21:46
السلام عليكم
في حلم شفته من فترة
شفت اني كنت ف المدرسة وكنا قاعدين كدا ف الفصل وكانت عندنا أستاذة أخصائية نفسية (هي بالواقع لما كنت ف الثانوي ايام الدراسة زملاتي قالولها اني ع طول مخنوقة وببكي دايما فكانت كل متشوفني تقولي انا مستنياكي تيجي تحكيلي في ايه معاكي بس انا مكنتش برضى اروحلها لاني عارفة محدش بيفهمني ومش بحب اتكلم مع حد )
وبالأصل اسمها تهاني
بس ف الحلم قالتلي انتي فاكراني انا الابلة هالة
قلتلها اه فاكراكي
قالتلي طيب تعالي معايا المكتبة وهناك في كتاب حلو ومفيد ليكي تعالي نقراه
قلتلها ماشي ومشيت وراها وبعدين طلعت ع السلم وكانت حواليا الحيطان خضرا فاتح
بعدين لقيت حتة مسدودة قدامي الحيطة ع السلم ومفيش مجال اعدي منها
رحت وقفت شوية ونطيت من ع سور السلم ع الجنب
وكملت وانا وماشية بقول عارفة انه دا حلم وكنت بقول يارب اكمل عايزة اعرف هوصل ولا مش هوصل
وانا كنت طالعة ع آخر دور الدور العلوي
ودا كان مخصص بس لاعلى ناس بالمدرسة تقريبا اللي تبع ادارة المدرسة
وشفت استاذ اسمه محمد عماد كان ف الدور اللي قبل العلوي
وكملت وانا وطالعة شافني عامل وكان ف الدور اللي تحتي واداني تحية عسكرية زي التحية اللي بيدوها للظباط وكدا
بعدين انا ضحكت وقلت كويس انه معرفش اني طالبة لو عرف اني طالبة كان نزلني لانه ممنوع الطلاب يطلعوا الدور العلوي
ولما وصلت لاخر درجة كانت بتزحلق راحت الاستاذة مدتلي ايدها وعدتني وقلتلها خليني جنبك عشان محدش ينزلني
وقعدنا انا وهي ع الارض وجابت الكتاب وكنا هنقراه
وصحيت من النوم وانا بردد الآية (نرفع درجات من نشاء وفوق كل ذي علم عليم ) معرفش اذا قلتها ف الحلم
ولا قلتها بعد مصحيت