السلام عليكم ورحمة الله وبركاته لو سمحتو في حلم شفته الليلة دي حلمت اني كنت ف بيت بنت عمي اسمها هناء ..بس ع أساس انه بيت خالتي وكان في ناس كتيرة كدا وشفت بنت خالتي ومعاها صحابها وعدت ومسلمتش عليا بعدين شفت ابن خالتي اسمه عبد الله (شرطي) اول مشافني نادى عليا وسلم عليا قلت دا احسن من اخته مسلمتش عليا مع اني كنت متوقعة ميعرفنيش لاني مش بشوفه اصلا من زمان بس فضل ماسك ايدي وحط ايده ع كتفي وقعد يتكلم معايا شوية وانا كنت مستغربة اوي بعدين طلعت برة البيت شفت خالي اسمه حسن ومعاه بنته هبة زي ميكون جايين من سوق وكان اليوم الخميس فاتكسفت منه لاني كنت طالعة بلبس البيت وكنت لابسة كاب مكنتش لابسة حجاب ...بعدين عدا ومشي ناحية الزرع وبعدين طلع اليوم فرح ابن خالتي دا اللي سلم عليا وانا مكنتش عارفة قلت ازاي وانا مش مجهزة لبس رحت قلت خلاص اساعدهم ف الشغل والتجهيزات وبعدين اروح استحمى والبس راحوا فجأة كدا لقيت العريس جاب عروسته وكانوا هيزفوهم وانا مكنتش لسة جهزت ..والعروسة كانت لابسة فستان دهبي وانا واقفة كدا وسط الناس جالي واحد من بتوع فرقة الزفة وهجم عليا وقعني ع الارض وتقريبا ضربني فانا زقيته وجريت ودخلت جوة شفت خالتي (هي ف الحقيقة متوفيه) كانت ع اساس انها عايشة وكان شكلها صغير وحلو وكانت لابسة زي فستان نبيتي وجيت اسلم عليها مديت ايدي راحت عدت وكانت نازلة ع سلم وعدا جنبها شاب شاورتله عليا وقالتله اهي ف اداب لغة عربية ..وبعدين سلمت عليا وطلعت فوق رحت اسحميت وكنت هلبس رحت قلت اروح بيتنا واشوف فستان البسه هناك احسن وانا ومروحة ف الطريق شفت الشاب اللي كان تبع الفرقة اللي هجم عليا فخفت منه رحت مسكت طوبة قلت لو حاول يضربني هضربه بالطوبة وجريت ع البيت اول موصلت عند الباب راح رمى عليا سكينة بس مجتش فيا فانا مسكتها ورميتها عليه ودخلت البيت اجري ورحت البس كنت محتارة بين فستان بمبي وفستان احمر فلقيت نفسي لابسة طرحة حمرا قلت خلاص البس الفستان الاحمر وبعدين صحيت